Simula nung grumadweyt ako ng kolehiyo, naka-tatlo o apat na beses din akong nag-apply sa call center. Pero isang beses lang ako natanggap at yun na ang huling beses na ako ay nag-apply. Yung una kong inapplyan ang unang job interview ko ren na naranasan. Wala naman talaga ako balak magtrabaho dun, gusto ko lang masanay na mainterview ng employer para kapag sa totoong trabaho na gusto ko na e hindi na ako masyadong kinakabahan. Maayos naman yung mga naging interview lalo na yung phone interview nung Amerkano. Pero dun sa final interview na dun yata ako bumagsak dahil hindi daw ako confident. Well, anyway, may point naman siguro sya pero ang akin lang, nakapasa ako sa phone interview dahil hindi ako kinakabahan. E di ba ang point naman ng call center e magbigay ng serbisyo sa pamamagitan ng telepono? Pero hindi naman masama ang loob ko dahil dun. Ang sabi na lang sa akin nung babae e tatawagan na lang daw ako.
Sa mga sumunod na inapplyan ko e kesyo malayo daw yung pinag-aralan ko sa inaapplyan kong trabaho, baka daw iwanan ko lang yung trabaho pagkatapos ng training, o wala daw experience. Basta kung anu-anong dahilan. Tapos ang palaging ending e tatawagan ka na lang namin.
Sa lahat ng inapplyan ko e ganyan ang sinasabi sa bandang huli. Nung una e akala ko naman e totoong ganun talaga ang nangyayare. Shempre bergin pa sa pag-aapply e kaya umaasa sa mga salita ng mga interviewer. Pero nung nangyari nang ganun sa pangalawa e nag-isip na ako na puro kalokohan din pala itong mga nag-iinterview sa call center. Actually, ang duduwag nila. Hindi nila kayang sabihin ng harapan dun sa naga-apply na hindi sila tanggap. Meron pa silang pabigay-bigay ng sulat, akala ko naman dati e schedule kung kelan ako babalik yun pala e sasabihin lang na please try again. Ahaha pakshet yan. Again, hindi naman masama ang loob ko sa kanila. Masyado lang nakakaloko. Ayaw makaranas ng awkward moment.
Ang natutunan ko naman e gaguhan lang pala ang laban sa mga ganyang interview. Magsabi ka ren ng kung anu-anong shit na gusto nilang marinig kagaya ng: gusto mong magtagal sa kompanya nila, na sila ang sa tingin mo e number one sa industriya, pagbubutihan mo ng husto ang pagtatrabaho mo, at kung anu-ano pang magagandang salita. Ayun, sa pang-apat ko e nakapasok ren ako hahaha. Pero di ren naman ako nagtagal. Umalis ren ako dahil hindi ko talaga trip dun.
Apir na lang!