Ilang linggo na din akong naglalaro ng Mafia at Vampire wars na gawa ng Zynga. Sa fesbuk. Simple lang ang konsepto nya, at kahit na wala ka talagang nakikitang action e babalik-balikan mo, basta ba alam mo sya laruin. Simula nung naglaro ako e hindi na ako tumigil haha.

Pero ang isa sa pinaka-nakakairita sa larong ito ay kapag may gusto kang tirahin na player tapos hindi mo malagay sa hitlist dahil patay na daw. Kahit balikan mo every 10 minutes e patay pa ren. Supposedly kase, bawat 2 hanggang 3 minuto e nadadagdagan ang buhay ng isang player. Pero ewan ko ba kung bakit andami-daming players na gusto kong i-hitlist (lalo na sa vampire wars) pero hindi ko magawa dahil nga dun sa pesteng deds na yun.

‘Di ko ren gaanong trip yung mga consumable items na kailangan sa missions kagaya ng blackmail photos, untraceable cell phones at yung iba pa. Wais nga naman sa part ng mga gumawa ng laro dahil matatagalan ito matapos ng mga manlalaro, pero hindi sya masyadong nakakatuwa. Kailangan mo pa kase na magpabalik-balik dun sa mga natapos mo nang missions tapos tsaka mo magagawa yung missions na kailangan ang mga items na ‘to. Mabuti sa Cuba dahil yung politico corrupto e napoproduce sa bawat tatlong oras kaya hindi na kailangan yung bumabalik pa sa mga lumang missions.

Sa vampire wars e di ren nakakatuwa kapag nakipag-combat ka sa isang player tapos pag natalo ka e anlaki agad ng nawawala sa skill ranking. Pero pag ikaw ang nanalo sa isang player e hindi ganun kalaki ang nadadagdag sayo. Hindi ko nga alam kung bakit kelangan pa ng skill ranking. Dapat ginawa na lang nilang ganun sa mafia wars, palakasan na lang talaga ng miyembro at mga gamit.

Pero kahit may mga nakakainis na parte ang mga larong ito ay nakakaenjoy din naman laruin. Ewan ko ba.

Apir!