Ang trabaho ko sa ngayon ay malayo sa natapos kong kurso nung kolehiyo. Medyo nakakabadtrip pero walang magagawa. Ito ang available sa ngayon kaya tiis na lang muna. Sa bagay, mas mataas naman ang sweldo kaya pampalubag-loob na ren. Pero meron akong ideal na trabaho.

Walang partikular na trabaho, pero yung sa job description e maraming pwedeng mag-fit. Gusto ko yung tanghali ang pasok, kung day job. Pero mas gising ako pag gabi, at tsaka hindi na ako sanay ng natutulog sa gabi e. Pero kung panggabi naman, gusto ko e umagang-umaga ang uwi. Masarap kase umuwi nung mejo madilim pa at konti pa lang ang tao sa kalye. Tapos dadaan sa bakery at magpapan de sal pag uwi, katambal ng mainit na sopas. Okay lang kung may uniform man o wala, basta kung may uniform e wag lang yung puti o mga light na kulay. Walang mahigpit na dress code, hair code, style code at kung anu-ano pang pausong code sa itsura. Tapos yung walang sisita sayo kapag nagsasalita ka ng Tagalog. Tapos may sarili kang station, kahit maliit na cubicle lang. Tapos may sarili kang computer. At may internet access na hindi naka-block ang mga social networking sites. Okay lang kung nakablock yung masyado nang hindi appropriate talaga. Inggit kase ako kay JohnLloy (well, marami namang naiinggit sa kanya) dahil nakakapag plerk, fesbuk at nakakapag DJ pa habang nasa trabaho hahaha. Tapos shempre gusto ng lahat yung masarap sa bulsa ang sweldo. Di naman ako naghahanap ng masyadong mataas na sweldo, basta tama lang na mabubuhay ako at may nabibiling konti para sa sarili ko. Sana parang tropa na ren ang mga kasama sa trabaho para walang superiority complex at kung anu-ano pang shit na nakikita sa workplace.

Ang ayaw ko naman sa trabaho e yung kumukuha pa ren ng oras mo kahit nasa labas ka na. Kagaya ng pagtuturo. Nasa labas ka na ng eskwelahan pero pag-uwi mo sa bahay e may gagawin ka pa. Halos wala nang oras para sa sarili. Gusto ko kase pag-alis ko ng trabaho e sarili ko na ang iniisip ko at hindi na yung trabaho. Hindi gaanong nakaka-stress pag ganun.

Hindi naman ako nagrereklamo sa trabaho ko ngayon. Masarap lang imaginin yung trabaho na gustong-gusto mo.

Apir!