Summer na summer na talaga ngayon. Grabe, ang init! Malas na lang naming mga walang erkon sa bahay. Ganun din yung mga walang erkon sa trabaho. Madalas nga e naka-sando na lang ako dito sa bahay. O kaya e nakahubad. Kahit na natutulog. Sobrang init talaga. Minsan parang nanggagaling na sa loob ng katawan tapos hindi pa makalabas dahil sa suot na damit. Habang tumatagal e nakakainit na din ng ulo at mas mabilis akong mayamot sa kung anu-anong bagay.
Masarap sana maligo sa pool o sa beach kaya lang e wala ren akong kasama. Hindi ko alam kung saan meron dito sa Manila. Nung dati e sa Bulacan ako pumunta kasama mga barkada ko. Pero malamang e punong-puno na ren ng tao ang mga resorts ngayon. Lahat e gusto na maligo. Balak ko ngang umuwi sa probinsya namin sa Mindoro. Buti pa dun e libre maligo sa dagat. At kung gusto naman sa pool e mura lang din. P20 lang yata ang entrance at maghapon ka nang pwedeng maligo, uminom at umihi sa mga pool nila.
Apir!
- Comments Off
Ehem!
Oo na, nakapanood na ako ng porn. Potek, lahat ng lalaki nakakapanood nyan. Nagpapasahan pa ng mga movies sa cellphone, sa pc, sa psp, basta kahit anong gadget na pwedeng manood ng pelikula. Kahit nga kalahating pulgada lang ang screen e pagtitiisang mapanood ang iskandalo ni Mahal. Argh!
Pero ang paksa na gusto kong talakayin sa aking napaka-informative na blog ay tungkol kay Maria Ozawa. Kung hindi mo sya kilala (imposible ito kung lalaki ka), siya ay isang sikat na porn star galing sa bansa ng mga wirdong Hapones.
Ang hindi ko lang naman maintindihan e kung bakit halos lahat yata ng mga lalaking nakapanood na sa kanya e nahuhumaling sa kanya. Hindi ko naman masasabi na pangit sya. May itsura din naman. Kamukha ni Angelica Panganiban. Nalaman ko lang kase sa mga sabi-sabi sa paligid na okay sa olrayt daw itong si Maria. May ibang gustong magsangla ng kaluluwa sa diablo ng mga adik sa porn para lang maka-ano si Maria. Pero nung napanood ko sya, wala naman akong nakitang espesyal na performance o kung ano pa. Para ngang nakaka-walang gana e. Kase sya yung tipikal na Haponesang porn star na parang dagang naipit sa mouse trap ang tunog. Sobrang tinis ng boses, tapos walang kalatoy-latoy ang acting habang katalik ng kung sino-sino. Ang naiisip ko lang na dahilan kaya sya gusto ng marami e sa sobrang dami na din ng mga nagawa nyang pelikula, o sabi nga nina Direk RA, Tado at Ramon, mga art films.
Hindi na ako magli-link dito ng video nya. Kayo na ang bahalang humanap. Panoorin nyo kung gusto nyo. Kayo na din ang humusga. Kung isa nga syang dyosa, o isang babaeng nakaka-walang gana.
Apir!
Mukhang pera tayong mga tao. Aminin man natin o hindi, maraming mga pamantayan sa lipunan ngayon ang base sa pera. Isa na dito ay ang pagkuha ng ninong o ninang. Maging sa kasal, binyag, libing, errr… basta.
Dati ay gustong-gusto kong pumunta sa mga kasalan. Masaya ako lagi pag may kinakasal akong pinsan. Ibig sabihin kase nun ay kainan na naman. Pero ang isang bagay na napansin ko dito ay ang mga ninong at ninang. Hindi naman mayaman ang angkan namin pero ang iba kong mga kamag-anak ay mga big time ang ninong at ninang. Minsan ay mayor, asawa ng nagpapatakbo ng jueteng, may-ari ng malaking tindahan, konsehal at kung sino-sino pa.
Makaraan ang ilang buwan (minsan nga ay mga 3 o 4 na buwan lang) pagkatapos ng kasalan ay nandyan na ang panganay na anak. Syempre may binyagan yun. At pag may binyagan, automatic na may ninong at ninang din ang bata. At hindi basta-basta ninong at ninang. Yung mga may trabaho lang dapat. Para pag birthday, Pasko at bagong taon ay palaging may regalo.
Hindi man pera, puro materyal na bagay lang ang kadalasang hangad natin. Nakalimutan na yata talaga natin ang kahalagahan ng pagiging ninong o ninang. Ang responsibilidad ng isang ninong o ninang sa kanyang inaanak ay magbigay ng patnubay, payo o tulong na makakayang ibigay. Hindi dapat ito binabase sa kung magkano ang kayang ibigay o gaano kalaking regalo ang gusto mong matanggap sa birthday mo. Ang dapat na kinukuhang ninong o ninang ay yung may mabuting payo na mabibigay, yung nakatulong na sa iyo sa panahon na may malaki kang problema, o yung sa tingin mo ay maaasahan mo na tutulong sa iyo, pera man o kung anong klaseng problema ang meron ka. Pero kung walang mairegalo sa iyo, o wala kahit maipautang sayo, huwag mo namang tawaging kuripot.
Apir!
Nakita n’yo ba yung mga nagkakalat na poster ng scandal ni Joey de Leon ngayon? Potek, nung una kong nakita hindi talaga ako makapaniwala sa namalas ko. Nakaka-traumatize! Para bang feeling mo e nahuli mo yung lolo at lola mo na nagkakabayuhan. Ganun kasama. Nakakawala ng pagka-inosente.
Ang mga poster at streamer na tinutukoy ko e yung para sa pagbabalik ng programa sa telebisyon ni Joey na Wow Mali. Sinadya ko na hindi maglagay ng mga larawan dito dahil talaga sobrang “graphic” ng mga nasabing poster. Ayaw kong makita ako ng mga tao na kumukuha ng litrato nun. Shet ayaw ko ngang makita na tinitingnan ko yun e. Sa isang pahapyaw na paglalarawan, isipin mo na lang ang lolo mo na nakahubad at nang-aakit. Oo, ganun mismo. Talagang nakakawalang-ganang kumain. ‘Wag n’yo na pangaraping makita. Talagang mali.
Apir!